As autoridades de Paraguai abordan o caso do deportado de Santiago con Migracións

O embaixador da República de Paraguai, Antonio Rivas Palacios, asegurou que as autoridades do seu país trataron coa Dirección Xeral de Migracións o caso do mozo de 19 anos veciño de Santiago que foi deportada a pasada fin de semana.

“É un caso que tratamos coa Dirección de Migracións e eles explicáronnos a situación, que se corresponde coa cuestión individual do mozo. Estamos en conversacións con eles. Nada máis”, subliñou o embaixador, en declaracións aos medios.

Rivas Palacios atendeu aos medios á entrada da residencia oficial de Monte Pío, onde mantivo un encontro co presidente galego, Alberto Núñez Feijóo.

Preguntado acerca de se abordará con Feijóo a situación deste mozo, reafirmouse en que o asunto se abordou coas autoridades migratorias. “Isto está manexado con eles, prefiro mantelo aí”, resolveu.