Un operario ferido en Cartelle tras caer desde unha estada
Un operario resultou ferido a última hora deste martes na localidade ourensá de Cartelle ao caer dunha estada no que estaba a traballar, a unha altura duns dous metros.
Segundo a información da Central de Atención a Emerxencias 112-Galicia, o accidente laboral produciuse sobre as 20,00 horas do martes nunha obra na Seara, na parroquia das Seixadas.
Até a zona desprazáronse efectivos de Protección Civil e da Garda Civil, así como un equipo sanitario do 061, que trasladou ao ferido ao Complexo Hospitalario Universitario de Ourense.