O DOG publica a licitación das obras de mellora da travesía entre Chapela e Vigo, na estrada PO-323

O Diario Oficial de Galicia (DOG) publica hoxe a licitación das obras de mellora da travesía que vai de Chapela a Vigo, a PO-323, na rúa de Vigo, por un importe de máis de 2,3 millóns de euros. No seguinte enlace ao DOG pódese consultar información relativa á citada resolución.
Estas actuacións teñen un prazo de execución de 18 meses e a data límite para a presentación de ofertas é o vindeiro día 17 de outubro.

As obras consisten no redimensionamento e reurbanización das beirarrúas adaptándoas ás normas de accesibilidade,

As obras consistirán na primeira fase de reurbanización da estrada ao longo de 1 km e incluirán a renovación integral das beirarrúas, que serán ampliadas para facilitar o tránsito de peóns nesta zona que é moi concorrida, no contorno do Mercado Municipal e da alameda.

Este proxecto contempla a mellora da totalidade dos servizos urbanos: a rede de abastecemento, saneamento, alumeado, canalizacións eléctricas. Ademais tamén se actuará na intersección, onde se atopa o acceso a Pescanova, para facilitar a saída dos camións.

Cómpre lembrar que se trata dunha actuación, moi demandada e de grande importancia tanto para os veciños da rúa de Vigo, que contarán con beirarrúas máis anchas para facer os seus desprazamentos de xeito máis cómodo e seguro; como para os vehículos que cada día se achegan ata o mercado, que verán mellorado o acceso e reforzada a seguridade.