Garda civil, familiares e amigos do xoven desaparecido en Baiona continúan na súa busca
Axentes da Garda Civil, familiares e amigos de Iván Durán Valverde, o mozo de 30 anos desaparecido en Baiona (Pontevedra), seguen na súa busca dúas semanas despois.
Ao respecto do operativo, o seu pai, Juan Durán, en declaracións, pediu que non se diminúan os medios despregados e advertiu de que o seu fillo é unha persoa “cun problema psicolóxico”, polo que reclamou recursos para tratar de localizalo.
Para iso, subliñou que “familiares e amigos” proseguen peiteando os montes da zona, e censurou que “polas pistas non se vai dar con el”, en referencia ás áreas polas que realiza a busca o dispositivo oficial.
Pola súa banda, fontes da Garda Civil aseguraron que axentes continúan buscando a Iván Durán, malia que a Policía Local de Baiona indicou previamente que este xoves non había “ninguén” sobre o terreo buscando ao mozo -aínda que precisou que a investigación proseguía por outros medios, co exame do ordenador e do teléfono do rapaz-.