A Garda Civil desmantela dúas plantacións de marihuana en Tomiño

A Garda Civil investiga dous veciños de Tomiño (Pontevedra), J.L.V.G., de 48 anos de idade, e P.C.P., de 37 anos, como presuntos autores de senllos delitos contra a saúde pública, e responsables de dúas plantacións de marihuana neste municipio.

A primeira das plantacións foi descuberta, con apoio dun helicóptero do Servizo Aéreo do Instituto Armado, na parroquia de Currás. Alí, os axentes comprobaron dende o aire a existencia dun terreo pechada cunha valla, con plantas de marihuana no seu interior, e que resultaban ‘invisibles’ achegándose por terra.

Na inspección, localizáronse 41 plantas de tamaño grande, en pleno proceso de floración, que foron cortadas e intervidas. Posteriormente, identificouse o dono do terreo, J.L.V.G., ao que se investiga por cultivo e elaboración de substancias estupefacientes.

Este veciño de Tomiño, ao que lle constan antecedentes policiais, deberá comparecer ante o xulgado de instrución de Tui cando sexa requirido para iso.

Por outra banda, a Garda Civil tamén identificou o dono doutra plantación, na parroquia tomiñesa de Paredes. Alí, os axentes incautáronse doutras 11 plantas de marihuana, e comunicouse ao seu dono, P.C.P., a súa situación como investigado por delito contra a saúde pública.