A Garda Civil acorda a perda de destino para o axente investigado por supostos abusos sexuais

O axente da Garda Civil investigado por supostos abusos sexuais, un xefe da Policía Xudicial de Vigo, perdeu o seu destino dentro das medidas preventivas aplicadas pola Benemérita tras coñecerse o caso, segundo confirmou o delegado do Goberno en Galicia, Santiago Villanueva.

A preguntas dos xornalistas, despois de que o coronel xefe da Garda Civil de Pontevedra, Miguel Estévez, confirmase a investigación, o delegado do Goberno en Galicia precisou que o procedemento xudicial se iniciou hai uns meses, aínda que o caso se fixese público agora.

Por outra banda, dixo que agora haberá que esperar á resolución xudicial ” o que poida resultar do caso” para determinar se as medidas adoptadas pola Benemérita con este axente “son definitivas”.

Sobre esta investigación, o coronel xefe da Garda Civil de Pontevedra confirmou que este axente está sendo investigado por uns feitos acontecidos “hai dous meses en O Porriño, cando unha muller estranxeira o denunciou por coaccionala, facéndose valer da súa posición como garda civil, para obrigala a manter relacións sexuais.