Ourense será o primeiro destino para as laranxas na axenda de pretempada

O CD Burela FS Pescados Rubén estreará a súa axenda de pretempada sobre a pista este sábado, 20 de agosto, na cidade das Burgas nun triangular fronte ao Ourense Envialia e o Poio Pescamar FSF, a partir das 17.00 horas.

O segundo das laranxas compromiso será o mércores 24, fronte á Selección da Costa da Morte, en Dumbría (20.00 horas).

Vista Alegre decide a Supercopa. Antes da estrea ligueira, o 10 de setembro, as pupilas de Lucas e Julio Delgado loitarán pola Supercopa de España fronte ao Atlético de Madrid Navalcarnero, co partido de ida en La Estación o sábado 27 de agosto (18.00 horas) e o de volta o sábado 3 de setembro en Vista Alegre (20.00 horas).

Copa Galicia. O CD Burela FS Pescados Rubén tamén coñeceu hoxe o calendario da Festa Irmandiña do Futsal. A escuadra mariñá verase as caras co Viaxes Amarelle FSF e o Ribadeo FSF no Grupo A de Copa Galicia Feminina; a fase de grupos disputarase entre o 1 e o 20 de setembro. Pola súa banda, os pupilos de Daniel Ibañes accederán á Copa masculina en cuartos, xunto a Santiago Futsal, Prone Lugo e O Parrulo Ferrol; a fase de grupo deberá decidirse antes do 30 de setembro e a de cuartos antes do 31 de decembro.