Fran Cárdenas, Pepe Pozas e Santi Yusta pasan recoñecemento médico

Tres dos xogadores do Rio Natura Monbus Obradoiro que repiten con respecto á tempada pasada pasaron esta mañá os recoñecementos médicos no Hospital Policlínico A Rosaleda, servizo médico oficial do club e membro do Club de Empresas Obradoiro.

Durante a mañá de hoxe pasaron pola consulta do cardiólogo Dr. Antonio Amaro Cendón os xogadores Fran Cárdenas, Pepe Pozas e Santi Yusta para realizar as correspondentes probas de esforzo, que foron superadas con éxito por parte dos tres.

Esta tarde chegou a Santiago de Compostela o base Mickey McConnell e será mañá cando visite as instalacións do Hospital Policlínico A Rosaleda para realizar todas as probas pertinentes: exploración xeral, analítica completa, electrocardiograma e proba de esforzo.