Dúas persoas feridas tras sairse da vía un coche e arder en Arteixo

Dous mozos resultaron feridos este xoves tras sairse da vía o vehículo no que circulaban e arder no termo municipal de Arteixo (A Coruña). Segundo informou o 112 Galicia, o coche ardeu na súa totalidade e os seus ocupantes resultaron feridos. Cando sucederon os feitos o vehículo circulaba á altura do lugar de Sorrizo, no concello de Arteixo, saíuse da vía e empezou a arder.

Así o explicou o alertante que chamou ao CAE 112 Galicia minutos antes das 3,00 horas da madrugada deste xoves para pedir axuda ao servizo de emerxencias.

Aínda que, nun primeiro momento os ocupantes, que saíron polos seus propios medios do interior do vehículo, rexeitaron a asistencia médica, os servizos sanitarios confirmaron que dúas persoas ían ser atendidas.

En concreto, o 061 desprazou ao lugar unha ambulancia asistencial que levou ao Hospital A Coruña a dous varóns duns 23 e 24 anos de idade, segundo confirmaron fontes sanitarias.

Ata o lugar desprazáronse, ademais dos medios sanitarios, os Bombeiros de Carballo, axentes de Tráfico e efectivos de Protección Civil.