Unha vítima do accidente do Alvia protesta no Congreso pola elección de Pastor como presidenta

Víctor Taibo, membro da Plataforma de Vítimas do accidente ferroviario do tren Alvia 01455 en Angrois e fillo da deputada autonómica do PP Teresa Gómez Limón, protestou este martes no Pleno do Congreso pola elección da ministra de Fomento, Ana Pastor, como nova presidenta da Cámara Baixa.

Taibo fora invitado por En Marea, a confluencia galega coa que Podemos concorreu ás eleccións, a seguir a sesión constitutiva do novo Congreso dende a tribuna reservada para o público no hemiciclo.

Unha vez que a presidenta da Mesa de Idade, María Teresa de Lara, comunicou ás súas señorías que Pastor fora elixido novo presidenta do Congreso, Taibo aproveitou para tirar un papel dende a tribuna de convidados que un subalterno se encargou de recoller. En incidente non foi a máis e o mozo saíu polo seu propio pé do Salón de Plenos.

Este mesmo luns, as vítimas de Angrois xa reaccionaran ante a elección do PP da titular de Fomento para aspirar a Presidencia do Congreso, unha decisión que consideran “unha afronta máis cara a eles posto que Pastor, segundo denuncian, “fixo todo o posible para que non se saiba a verdade” sobre o sinistro ferroviario no que faleceron 80 persoas e houbo máis dun centenar de feridos.