Unha veciña de Lugo foi denunciada por deixar a un can ao sol e sen auga nun balcón

A Policía Local de Lugo tramitou unha denuncia por maltrato animal contra unha muller que deixou a un can encerrado nun balcón, a pleno sol e sen auga.

Segundo informou o corpo, unha patrulla comprobou durante a tarde deste domingo que un can estaba encerrado no balcón dunha vivenda situada na rúa Doctor Gasalla.

O can atopábase exposto “directamente ao sol”, apuntaron os axentes, que determinaron así mesmo que a temperatura neses momentos era de 35 graos. Así mesmo, o can non dispoñía de auga, xa que consumira toda a que tiña.

Unha vez mobilizados os medios para o rescate do animal, presentouse no lugar unha inquilina da vivenda que manifestou que o can era propiedade dunha amiga que vivía con ela e fíxose cargo do animal. A Policía tramitou unha denuncia contra a propietaria.