Un ferido tras quedar atrapado ao envorcar o seu vehículo en Ourense

Unha persoa quedou atrapada no interior do seu vehículo tras sufrir un accidente de tráfico na cidade de Ourense, no que o turismo que conducía se saíu da vía e resultou envorcado.

Segundo a información da Central de Atención a Emerxencias 112-Galicia, o suceso aconteceu sobre as 12,15 horas no quilómetro 560 da estrada N-120, ao seu paso por Ourense.

Ata o lugar do suceso desprazáronse efectivos de Protección Civil, Garda Civil e Bombeiros de Ourense, que tratan de liberar a vítima. Así mesmo, tamén se mobilizou persoal sanitario do 061.