Rescatan a un percebeiro que caeu ao mar en Xove
Efectivos de emerxencias rescataron na tarde deste mércores un percebeiro que caeu ao mar na costa da localidade lucense de Xove.
Segundo informaron fontes de Salvamento Marítimo e do 112, foi un compañeiro do home o que deu a voz de alarma sobre as 17,00 horas, indicando que caera ao mar na zona de Os Netos, en Punta Roncadoira.
Ata o lugar desprazouse a Salvamar Alioth, barcos que se atopaban pola zona e o helicóptero Pesca II, que rescatou ao home e o trasladou ata o hospital de Burela.