Rescatan a un bañista nunha praia de Porto do Son
Un bañista tivo que ser rescatado na tarde deste domingo na Praia das Furnas, en Porto do Son (A Coruña). Segundo informou o Centro de Atención a Emerxencias (CAE) 112 Galicia, o home tiña dificultades para saír do mar polo seu propio pé.
Un particular chamou ao 112 sobre as 19,15 horas e, segundo explicou, o home estaba acompañado por unha muller, que puido saír da auga polos seus propios medios.
A muller atopábase en perfectas condicións, mentres que o home permanecía a uns 150 metros da beira.
O persoal do 112 informou da situación Salvamento Marítimo, que decidiu mobilizar a embarcación Salvamar Regulus ata o entorno do areal.
RESCATADO POR UN SOCORRISTA
Tamén se informou ao Servizo de Gardacostas de Galicia, a Urxencias Médicas e a Protección Civil. Finalmente, o home foi rescatado por un socorrista.
Urxencias Médicas mobilizou o helicóptero medicalizado con base en Santiago, aínda que finalmente o home non necesitou asistencia sanitaria.