Os bombeiros rescatan a un home que caeu por unhas rochas no río Tea en Ponteareas

Efectivos de Bombeiros rescataron durante a tarde deste martes a un home que sufriu unha caída nunhas rochas de difícil acceso nunha praia fluvial do río Tea ao seu paso pola localidade pontevedresa de Ponteareas.

Segundo a información do CAE-112 Galicia, un particular alertou do accidente en torno ás 19,00 horas, explicando que un home caera por unhas rochas, que se atopaba ferido e que resultaba moi complicado chegar ata el.

De inmediato puxéronse en marcha efectivos dos Bombeiros de Ponteareas, que se desprazaron ata o lugar acompañados dunha patrulla da Garda Civil, Policía Local e Protección Civil. Tras ser rescatado, o home foi asistido por persoal sanitario do 061.