O presidente de Renfe asegura non coñecer o informe da UE

O presidente de Renfe, Pablo Vázquez, asegurou este venres que “non coñece” o informe da Unión Europea publicado este xoves que sinala que a investigación sobre o accidente en Angrois “non foi independente” e faltan “elementos clave” de análise. Vázquez rexeitou valoralo ao non coñecer o informe.

Ao ser preguntado polos xornalistas en Oviedo sobre este, destacou a “plena colaboración” da compañía coa Xustiza na investigación. “A xustiza é a responsable de dirimir responsabilidades”, subliñou.

Non obstante, reiterou a “plena atención” ás vítimas do sinistro e a súa intención de atendelas “o mellor posible”. “A nosa prioridade son as vítimas”, dixo.