O persoal docente mostra o seu agradecemento pola vida e obra de Agustín Fernández Paz

O persoal docente expresou este martes de forma pública o seu agradecemento ao escritor Agustín Fernández Paz, falecido en Vigo, pola “súa vida e a súa obra”.

Nun comunicado, a Xunta de Persoal Docente de Pontevedra, provincia na que Fernández Paz exercía o seu labor de profesor, destacou o “compromiso” do escritor “coas causas que fan mellor á sociedade”.

“Agustín Fernández Paz déixanos unha obra de importancia extraordinaria”, indicaron os docentes, que destacan o seu “valor na defensa do ser humano” e o seu “compromiso pleno co ensino público” e a súa actitude “leal” coa lingua galega.

“Agustín, é para nós unha honra compartir contigo a profesión docente. O teu exemplo é e será unha inspiración para as persoas que traballamos no ensino”, concluíron.