Dúas persoas resultan feridas tras colisionar unha moto e un turismo en Rianxo

Dúas persoas resultaron feridas de consideración este luns tras colisionar unha moto e un turismo na localidade coruñesa de Rianxo. Segundo informou a Central de Atención a Emerxencias 112-Galicia, o suceso aconteceu sobre as 10,00 horas á altura do lugar de Outeiro, en Rianxo.

Ata o lugar do suceso desprazáronse efectivos dos Bombeiros de Boiro, Garda Civil de Tráfico, Protección Civil, persoal sanitario e un helicóptero medicalizado do 061. Os dous feridos, que viaxaban na moto, foron trasladados ata o Hospital Clínico Universitario de Santiago.