Unha persoa resulta ferida nun accidente de tráfico en Verín

Un home resultou ferido ao sairse da vía o vehículo co que circulaba pola parroquia de Cabreiroá, á altura do balneario, no municipio ourensano de Verín. Segundo informou o CAE 112 Galicia, o accidente tivo lugar ás 7,00 horas deste domingo, cando foi mobilizada unha ambulancia para asistir á persoa ferida, que saíra do turismo que, tras o accidente, ardeu por completo.

Ademais, tamén acudiron ao punto os Bombeiros de Verín, que tardaron case unha hora en conseguir apagar o lume. Tamén foron alertadas a Policía Local, Protección Civil e a Garda Civil de Tráfico.