Condenan a dous anos de prisión un pontevedrés que vendeu droga unha persoa con minusvalidez psíquica

A sección cuarta da Audiencia Provincial de Pontevedra condenou a dous anos de cárcere un home por vender droga a unha persoa con minusvalidez psíquica.

O acusado, E.S.B., en liberdade por esta causa e con antecedentes penais non computables, chegou este xoves a un acordo de conformidade coa Fiscalía polo que recoñeceu os feitos a cambio dunha rebaixa na petición de penas do Ministerio Público.

Inicialmente, a Fiscalía solicitou ao tribunal unha pena de 6 anos de prisión e multa de 80 euros por un delito contra a saúde pública na súa modalidade de tráfico de substancias que causan grave dano á saúde.

Aínda que na petición de pena orixinal se considerou unha tipa delituosa agravada, o Ministerio Público non puido acreditar que o acusado coñecese a mingua de facultades mentais e de autodominio da vítima e que, polo tanto, se aproveitase da súa incapacidade psíquica para obter diso unha vantaxe.

Así, o acordo alcanzado non considera probado que o condenado soubese no momento da transacción que o comprador da droga era “manipulable e influenciable”.

FEITOS

Segundo o escrito de acusación, en xaneiro de 2015 o acusado entregou a vítima, L.D.U, 0’5 gramos de cocaína -que no mercado ilícito tería un prezo de 20 euros- recibindo como pagamento un robot de cociña valorado en 400 euros.

O acusado non materializou ningún intercambio máis, malia a petición expresa da vítima e aos seus concretas ofertas de entrega de máis aparellos domésticos en pagamento da droga que o demandaba. O motivo era a “falta de interese” do acusado neles. As negociacións realizáronse a través de mensaxes de ‘Whatsapp’.

O acusado devolveu o robot de cociña en sede policial en febreiro de 2015, sendo restituído aos seus donos, os pais da vítima, quen padece unha “limitación importante” das súas facultades psíquicas, cognitivas e volitivas. De feito, o mozo atópase incapacitado por un Xulgado de Cambados e o seu pai é o seu titor legal.