Arde unha casa en Becerreá sen causar danos persoais

Unha vivenda situada no lugar de Vilar de Cancelada, na parroquia de Vilachá que pertence ao concello lucense de Becerreá, ardeu na madrugada deste martes por completo, pero non causou danos persoais, segundo informou o 112 na súa parte de primeira hora.

Así, sobre a media noite, un particular alertou á Central de Atención ás Emerxencias (CAE) 112 de que unha casa unifamiliar tiña lume, aínda que, no momento de comentar, non había xente no seu interior malia que estaba habitada.

Tras recibir o aviso, deuse aviso á Garda Civil, a membros do parque comarcal de Bombeiros de Sarria e a efectivos do GES de Becerreá, que durante varias horas traballaron na extinción do lume. Sobre as 3,00 da madrugada deste martes deuse por apagado pero membros do GES seguiron arrefriando a zona.