publicidade hoxe

A néboa mantén pechada a autovía A-8 ao seu paso por Mondoñedo

PUBLICADO EN: Noticias de GaliciaMondoñedo
A-
A+
Europa Press

A presenza de densa néboa mantén pechada á circulación a autovía A-8 entre as localidades lucenses de Abadín e Mondoñedo, que non se pode transitar dende última hora deste xoves.

Segundo a información da Dirección Xeral de Tráfico, a circulación está interrompida por presenza de néboa entre os quilómetros 534 e 552, en ambos os dous sentidos.

O corte total da vía mantense dende hai máis de 10 horas, xa que a alerta da DGT foi activada sobre as 23,40 horas do xoves.

Este tramo da A-8 sofre continuos cortes de tráfico motivados pola presenza de densa néboa e forte vento na área dende que en xullo de 2014 tivese lugar un accidente múltiple que se saldou cunha persoa falecida e decenas de vehículos implicados.

3 de xuño de 2016 | 10:05 • Sen comentarios

Comentarios pechados.