A Lama recibe 8.000 euros do Plan Concellos para instalar iluminación pública no polígono

A Deputación de Pontevedra, mediante unha resolución presidencial, vén de aprobar unha nova axuda ao concello da Lama dentro da liña 1, investimentos, do Plan Concellos 2016. Esta vez o concello recibe a cantidade de 8.316,95 € coa finalidade de que o polígono do concello conte con iluminación pública.

No que levamos de 2016, xa se entregou o 40,9% do total destinado á Lama dentro do Plan Concellos 2016, situando neste momento o investimento na vila en 187.254,53 €.