A Deputación da Coruña promocionará os seis xeodestinos na Feira de Turismo de Galicia

A área de Turismo da Deputación da Coruña participa en Turexpo, a Feira de Turismo de Galicia, que se vai desenvolver no marco da Semana Verde de Silleda dos días 9 ao 12 de xuño.

Información das propostas turísticas dos distintos concellos ademais da promoción dos seis xeodestinos e o produto de turismo industrial son os contidos que o stand que a área de Turismo da Deputación da Coruña promocionará en Turexpo, a Feira de Turismo de Galicia que se abre o día 9 en Silleda.

Como en anteriores ocasións en feiras como FITUR ou Xantar, a Deputación da Coruña convidou aos distintos concellos a participar en Turexpo a través da súa presencia física no recinto feiral. Neste caso, a través dun formato dinámico con degustacións dos produtos máis representativos de empresas e concellos desenvolverase un programa de actividades que van desde as degustacións así como a información directa da oferta de turismo rural, actividades de turismo activo e outro tipo de iniciativa para mostrar o potencial turístico da provincia da Coruña.

A feira de Turexpo desenvolverase no pavillón 2, ao carón de Festur, exposición de feiras de interese turístico, e de Salimat, feira agroalimentaria onde as empresas de turismo industrial adicadas á alimentación realizarán diversas reunións coa conseguinte creación de sinerxías entre o turismo e a promoción dos seus produtos.