A defensa de Baltar solicita a nulidade da citación como investigado ao alegar un defecto de forma

As defensas de Manuel Baltar e do seu pai, José Luis Baltar, solicitaron á responsable do Xulgado de Instrución número 3 de Ourense a nulidade da citación ao expresidente da Deputación de chamado a declarar este mércores como investigado por un suposto delito de suborno e tráfico de influencias en relación ao caso polo que se investiga o seu fillo a raíz da denuncia dunha muller, Teresa F.C., por supostamente ofrecerlle un posto de traballo a cambio de sexo.

José Luis Baltar estaba citado para as 10,30 horas deste mércores, en calidade de investigado, media hora que a de Francisco G máis tarde. – citado en calidade de testemuña-, e que é representante do hotel no que supostamente terían lugar os encontros entre Manuel Baltar e a muller que o denunciou.

Ningún dos dous declararon e ambos os dous abandonaron o edificio xudicial á espera de que a xuíza Eva Armesto dea resposta á petición das defensas de José Luis Baltar e Manuel Baltar, que reclamaron a nulidade da citación a José Luis Baltar alegando defectos de forma.

As defensas impugnaron a forma en que se realizou a dilixencia de citación e sinalaron á xuíz nulidades da causa por unha posible “vulneración” dos dereitos de defensa de José Luis Baltar. Entre as causas esgrimidas para solicitar a nulidade da citación sinalan que o expresidente da Deputación de Ourense tería que ser informado con máis tempo.

Dende a acusación particular exercida por Democracia Ourensana mostráronse dispostos a que se atrase a declaración de José Luis Baltar, coa intención de que poida ter un maior coñecemento da causa.

Á súa saída do edificio nin José Luis Baltar nin o seu avogado quixeron facer declaracións aos numerosos medios de comunicación presentes ás portas do xulgado.

Ás 12,30 estaba prevista a declaración de José Eugenio G. asesor xurídico da Deputación cando tiveron lugar os feitos denunciados pola muller.