Villanueva di que as probas que manteñen en prisión ao detido polo crime de Lugo son sólidas

O delegado do Goberno en Galicia, Santiago Villanueva, defendeu este martes que as probas que manteñen en prisión ao detido polo crime da nova Tatiana Vázquez, en Lugo, son “bastante sólidas”.

En declaracións aos medios con motivo da súa presenza nun acto da Policía Local en A Coruña, Villanueva explicou que o caso continúa “baixo segredo de sumario” e o acusado segue detido mentres se seguen realizando probas.

“Tanto o Ministerio Fiscal como a xudicatura consideran que debe estar en prisión. Son probas bastante sólidas posto que senón non estaría nestes momentos en prisión”, dixo tras asegurar que se seguirán achegando probas e que “será o órgano xudicial que determine”.

CRIME FERROL

En relación ao crime de Ferrol, o delegado asegurou que a autopsia “confirma” que a muller de 43 anos encontrada morta nun bar desta localidade coruñesa morreu desangrada.

“Se hai algunha proba máis que poida achegar a policía entregarase nos xulgados”, continuou.