Un veciño de Vigo foi detido por agredir supostamente á súa parella

Axentes da Policía Local de Vigo detiveron un veciño da cidade, C.E.R.M., de 42 anos de idade e natural de Venezuela, como presunto autor dun delito de violencia de xénero.

Segundo informaron fontes policiais, os feitos tiveron lugar a primeira hora da tarde do domingo, cando o 092 recibiu unha chamada por un posible episodio de malos tratos, na rúa Baixada a Mestre Chané.

Unha vez no lugar, unha muller relatou aos axentes que mantivera unha discusión co seu marido, no transcurso da cal el a agredira, propinándolle varios empuxóns. A muller caeu despois de ser empurrada e lesionou o xeonllo.

A Policía requiriu a presenza dunha ambulancia do 061 para asistir a vítima, mentres que o home foi detido por estes feitos.