Pontón celebra a reapertura do caso Alvia porque a Xustiza “non se pode exercer se non se coñece a verdade”

A voceiro nacional do BNG, Ana Pontón, celebrou este venres a reapertura da instrución xudicial sobre o accidente do Alvia en Angrois, en xullo de 2013, e subliñou que “a Xustiza non se pode exercer se non se coñece a verdade”, que é estano a pedir as familias das vítimas.

En declaracións aos medios en Vigo, tras participar na presentación da candidatura do BNG pola provincia de Pontevedra, Ana Pontón subliñou que a formación nacionalista estivo “sempre ao lado das familias” defendendo o “dereito a coñecer a verdade”, e recalcou que hai “unha débeda moral, política e emocional” coas vítimas e os seus achegados, ademais de cos galegos, que quedaron “conmocionados” polo tráxico sinistro.

Segundo Pontón, “está claro” que, ante un accidente desas características, “a conclusión non pode ser que o único responsable sexa un maquinista”.

“Nós temos claro que hai responsabilidades no ámbito penal, e no ámbito político, e debemos poñer todo do noso lado para que esas responsabilidades se aclaren”, proclamou.