Lanzamento de bicos no CHUS para apoiar o Día do Neno Hospitalizado

A Xerencia de Xestión Integrada de Santiago sumouse este venres en Santiago e O Barbanza ao lanzamento masivo de bicos para apoiar o 13 de maio como Día do neno hospitalizado. Deste modo, traballadores do Hospital Clínico de Santiago sumáronse no mediodía deste venres a unha iniciativa de asociacións, fundacións e entidades no ámbito nacional co fin de sensibilizar a poboación sobre as consecuencias que a hospitalización pode ter nos máis pequenos.

“Queremos rendelos noso particular homenaxe ás asociacións impulsoras desta iniciativa e ás que traballan a diario a favor dos pacientes da xerencia compostelana”, manifestou no acto o xerente compostelano, Luis Verde.

“Con este bico queremos trasladalos que compartimos esta preocupación con eles”, afirmou o xerente, para alcanzar o trato “máis humanizado posible” aos mozos hospitalizados. Ademais agradeceu o labor doutros colectivos que acoden regularmente e de modo silencioso a facer máis doada a estanza dos nenos no hospital.

Ao lanzamento de bicos uníronse nenos das escolas infantís para fillos dos traballadores da xerencia compostelana ‘Os pequerrechos en Santiago’ e ‘Barbanciños’ en Ribeira. Tamén nenos hospitalizados realizaron diversas actividades de celebración e lanzaron bicos a outros nenos hospitalizados no resto dos centros nacionais.