Abel Caballero aspira a unir aos socialistas en torno ao modelo de Vigo

O alcalde de Vigo, Abel Caballero, afirmou este martes que manterá o seu “empeño” por conseguir a unidade do PSdeG “de forma permanente”, e farao pondo como exemplo o “modelo” da cidade olívica, na que goberna con 17 de 27 concelleiras, “arrasando ás ‘mareas’ e ao PP”.

Así o manifestou en declaracións aos medios, e subliñou que a súa forma de xestionar é o que quere transmitir, porque Vigo é un exemplo de “unidade cidadá ao redor dun proxecto”.

“Este é o modelo que temos que adoptar en política municipal, e trasladalo a Galicia”, incidiu, e subliñou que Galicia se constrúe de abaixo a arriba”, “desde o local e o municipal, cara a Galicia e España”.

Así mesmo, reiterou o seu apoio ao candidato ás primarias dos socialistas galegos José Luís Méndez Romeu, do que valorou que ten “un bo discurso político” e un “proxecto importantísimo para Galicia”.