A Policía Autonómica identifica aos autores de dous incendios forestais en Oza-Cesuras e Teo

A Policía Autonómica identificou aos presuntos autores de dous incendios forestais rexistrados nas localidades coruñesas de Oza-Cesuras e Teo. Segundo informou a Xunta, os axentes identificaron como investigada a unha persoa sospeitosa de provocar un incendio forestal o pasado 4 de maio en Borrifáns, en Oza-Cesuras, no que arderon uns 6.000 metros cadrados de monte.

Os feitos sucederon cando esta persoa se atopaba facendo unha queima de restos forestais amontoados, sen permiso e sen adoptar as medidas de seguridade necesarias, polo cal o lume se propagou aos terreos próximos.

Por outra banda, axentes da Policía Autonómica en Santiago esclareceron un incendio forestal ocorrido o 3 de maio na parroquia de Calo, en Teo, que afectou a uns 5.300 metros cadrados de monte arboledo.

Na actual campaña anti-incendios forestais de 2016 foron investigadas pola Policía Autonómica un total de 23 persoas relacionadas con este tipo de feitos.