publicidade hoxe
Publicidade
omeulibro1

Un veciño de Friol está acusado de delitos sexuais a menores incluído o seu fillo

PUBLICADO EN: Noticias de GaliciaFriolSucesos
A-
A+
Europa Press

Un home de 50 anos de idade, M.M., veciño de Friol, acusado de varios delitos sexuais a menores de idade, permanece no cuartel da Garda Civil de Lugo á espera de que pase a disposición xudicial o Xulgado de Instrución número 2.

Segundo indicaron fontes do Instituto Armado, foi un home o que denunciou na comandancia de Lugo en compañía da súa filla que un sobriño seu, de 14 anos, podería estar a sufrir abusos sexuais.

A raíz diso, a Garda Civil promoveu unha investigación de oficio e tomou declaración á suposta vítima, en compañía da nai.

O menor declarou que pousou “xunto ao seu pai diante dunha cámara web para facer cousas sexuais, para que o visen terceiras persoas, que tamén podían ser menores”, segundo indicaron fontes da investigación.

A Garda Civil acudiu ao domicilio do home, en Friol, onde foi detido e trasladado aos calabozos da Garda Civil, á espera de pasar a disposición xudicial. Os investigadores consideran que estes supostos abusos poden remontarse a “hai ano e medio, e ata a actualidade”.

6 de abril de 2016 | 13:00 • Sen comentarios

Comentarios pechados.