Un peregrino ferido ao caer da bicicleta coa que facía o Camiño en Triacastela

Un peregrino resultou ferido ao caer da bicicleta coa que facía o Camiño de Santiago, ao seu paso pola localidade lucense de Triacastela. Segundo fontes sanitarias, o accidente tivo lugar sobre as 12,25 horas no municipio de Triacastela ao caer o home, de 47 anos, e que responde ás iniciais de J.A.G., da súa bicicleta.

Foron mobilizados unha ambulancia asistencial, o helicóptero medicalizado e persoal do centro de saúde de Triacastela. O paciente, que presentaba traumatismo craneoencefálico, foi trasladado polo helicóptero do 061 medicalizado ao Hospital Nosa Señora do Cristal, en Ourense.