Trasladan de urxencia a dous vigueses por unha fuga de gas no seu domicilio

Dúas persoas, un home e unha muller, tiveron que ser trasladados de urxencia na madrugada deste venres a causa dunha intoxicación por monóxido de carbono tras unha fuga de gas no seu domicilio en Vigo. Segundo informou a Central de Atención a Emerxencias 112-Galicia, o suceso aconteceu sobre as 6.00 horas da madrugada deste venres nunha vivenda situada no Camiño das Veigas, na zona de Coruxo.

Foi o home o que, tras desmaiarse a muller, deu aviso a unha veciña dunha posible fuga de gas antes de esvaecerse tamén. A veciña foi a que deu a voz de alarma ao 112.

Ata a vivenda desprazáronse efectivos dos Bombeiros de Vigo, que detectaron unha alta concentración de monóxido de carbono no interior da casa. Así mesmo, no operativo participaron axentes da Policía Local e persoal sanitario do 061, que trasladou aos dous ocupantes da vivenda con dores de cabeza e desmaios, a un centro hospitalario.