O rexedor de Friol desliga a morte de 40 vacas nunha granxa á crise do lácteo

O alcalde de Friol, o popular José Ángel Santos Sánchez, defendeu este luns que o caso do gandeiro da Portela, na parroquia de Narla, que está sendo investigado pola morte de 40 vacas na súa explotación constitúe “un caso illado”.

A Garda Civil de Lugo iniciou a investigación ante a mingua de reses que presentaba a devandita explotación gandeira en Friol, que tivo máis de 60, e sospeitan que as desaparecidas foron incineradas.

Tras expresar que “pouco” pode dicir ao estar este caso sometido a investigación, Santos si que puntualizou que é “un caso illado, un caso inxustificable porqué nada xustifica esa actuación”.

Tamén desvinculou o sucedido “coa situación do sector lácteo, que atravesa nestes momentos”. “É un caso de renuncia”, asegurou o rexedor.

HAI MEDIOS PARA ESTAS SITUACIÓNS

José Ángel Santos precisou que este gandeiro “non” informou ao Concello “da situación que viña atravesando a súa explotación”, nin tampouco á Administración autonómica, “nin a ningún outro organismo que podería ofrecelo axuda”.

Finalmente, incidiu en que tanto o Concello como a Xunta ten medios dedicados a este tipo de situacións”. “Ao non ser sabedores, nin o concello, nin a Administración autonómica non pode botar man desas axudas”, resolveu.