O detido polo crime de Ferrol pase este mércores a disposición xudicial

O detido polo crime acontecido nun establecemento hostaleiro de Ferrol, un novo de 31 anos e que tamén rexenta outro bar próximo ao da vítima, este luns está previsto que pase a disposición xudicial este mércores, segundo confirmaron fontes do TSXG.

A vítima, Marta S.V., de 43 anos de idade, foi atopada na mañá deste luns pola propietaria do bar Bonkey, no que ela traballaba e a onde o agora detido acudía de forma diaria tras pechar o seu local, o Auditorio 27, ambos os dous no barrio de Caranza.

A detención coincidiu co acceso dos axentes a unha conversación da falecida, mediante o sistema de mensaxería móbil ‘Whatsapp’, na que trasladaba e criticaba a actitude do cliente, no interior do local, unha terceira persoa pasadas as tres da madrugada.

O corpo da muller, que se atopaba dentro do establecemento cando foi atopado, presentaba varias coiteladas e, segundo as investigacións, o seu asasinato produciuse de madrugada. Persoas presentes na mañá do luns na zona de suceso aseguraron que a última conexión no ‘Whatsapp’ da muller foi das 5,01 horas.

Do caso encárgase o Xulgado de Instrución número 2 de Ferrol, en funcións de garda, que autorizou minutos antes das 10,30 horas o levantamento do cadáver.

A muller estaba encargada este domingo do peche do local de hostalaría no que foi localizado o seu cadáver. O seu fillo, de 13 anos, pasou a noite na casa dun familiar. Aínda que a falecida vivía actualmente en Caranza é moi coñecida noutro barrio de Ferrol, onde residen os seus pais e onde pasou os seus anos de infancia e xuventude.