Enviar a un amigo
Opinar
ImprimirNoriega restrinxe a diferenzas do debate a postura de Podemos en Compostela Aberta
O alcalde de Santiago, Martiño Noriega, negou que Podemos retirara o seu apoio a Compostela Aberta, o espazo político que sustenta o grupo de goberno, e asegurou que tampouco habido ameazas, ao respecto, por parte da formación morada. Así, indicou que outra cuestión é que haxa diferenzas políticas, que “forman parte do debate”.
Podemos Compostela formulou á Secretaría de Organización se a decisión de Compostela Aberta de apoiar a conversión en partido político instrumental de En Marea para as citas electorais contravén os estatutos e normas internas da formación morada.
Ao respecto, a preguntas dos medios este venres en rolda de prensa, Noriega indicou que a decisión de que En Marea concorra ás eleccións como partido instrumental pertence aos actores que se integran nela.
Nesta liña, destacou que o traballo realizado dentro de Compostela Aberta é “participativo” e que as asembleas “se enchen”, ao tempo que defendeu que as posibles discrepancias internas “forman parte do debate” e non supoñen ningunha disidencia.
ELECCIÓNS AUTONÓMICAS
Así mesmo, asegurou que o proceso de acumulación de unidade popular “só suma apoio electoral” e incidiu en que é a “única alternativa” que pode facer fronte ao Partido Popular nas eleccións autonómicas de Galicia.
Preguntado por se considera que a Xosé Manuel Beiras lle incomoda que lle pregunten se será candidato á Xunta, o alcalde compostelano insistiu, de novo, en que o veterano nacionalista “actuará a favor do proceso colectivo”, como fixo “dende 2012” cando Anova formou parte de AGE para o Parlamento autonómico.
Ademais, o tamén covoceiro de Anova -faceta que deixou en segunda liña ao presentarse ás eleccións municipais-, explicou que Xosé Manuel Beiras será a “persoa idónea” para aquela postura que decida tomar dentro do proceso colectivo.
Martiño Noriega tamén volveu descartarse para as eleccións autonómicas, pero afirmou que estará activo, en todo caso, dentro do espazo de confluencia, para lograr os obxectivos.
