Galicia rexistra en menos de dúas horas tres accidentes múltiples en distintos puntos
Galicia rexistrou tres accidentes con varios vehículos implicados en distintos puntos das estradas galegas ao final da tarde deste mércores e en menos de dúas horas. Así, o primeiro deles tivo lugar no municipio coruñés de Oleiros, na avenida Ernesto Che Guevara, sobre as 18,30 horas. Urxencias Médicas informou do accidente, no que unha persoa resultou ferida e foi trasladada a un centro sanitario de referencia.
Foron informados, segundo o parte da Central de Atención ás Emerxencias, os Bombeiros de Arteixo, da Policía Local e de Protección Civil.
A seguinte foi ás 19,00 horas en Ames, tamén na provincia da Coruña, e deixou unha persoa ferida. Dous vehículos chocaron contra outro que estaba estacionado na avenida Rosalía de Castro, en Milladoiro.
Segundo a información do 112, foron avisados Urxencias Médicas, o GES de Brión e a Policía Local de Ames.
Finalmente, en Vigo, sobre as 19,45 horas, houbo un accidente múltiple no que se viron implicados catro vehículos e houbo feridos, que cando chegaron os técnicos sanitarios “xa foran trasladados”, segundo o parte do 112.