Dúas persoas resultan feridas en Lugo nun accidente entre un autobús urbano e un coche

Dúas persoas resultaron feridas a última hora deste luns na cidade de Lugo nun accidente de tráfico rexistrado entre un autobús urbano e un vehículo. Segundo informou a Central de Atención a Emerxencias 112-Galicia, o suceso ocorreu sobre as 19,00 horas deste luns na confluencia entre a rúa Harmónica e a rúa Illa de Man.

Até o lugar desprazáronse efectivos dos Bombeiros de Lugo, Policía Local, Protección Civil e Urxencias Médicas de Galicia-061, que trasladou a dous feridos -un ocupante do turismo e un viaxeiro do autobús- ao Hospital Polusa de Lugo.