Deteñen a un home en Vigo por quebrantar a orde de afastamento da súa exparella

Axentes da Policía Local de Vigo detiveron a un novo de 28 anos de idade, D.V.C., veciño da cidade, por un suposto delito de quebrantamiento de condena, ao saltarse unha orde de afastamento da súa exparella.

Os feitos tiveron lugar na tarde do luns, cando unha dotación do 092 se atopaba na rúa Ramón Nieto falando cunha muller, á que estaban a notificar unha citación para acudir a un xuízo rápido. Nese momento, un home pasou por no medio dos axentes e da muller, quedou mirando para ela e sorriuse.

A señora informou os axentes de que o home era a súa exparella, e que tiña unha orde de afastamento. Como o episodio non foi a máis, os axentes fóronse do lugar pero, pouco despois, unha testemuña avisoulles de que a muller coa que estiveran a falar discutía acaloradamente cun novo.

Os axentes presentáronse no lugar de novo e identificaron o home. Así, comprobaron que tiña en vigor unha orde de afastamento por decisión xudicial, polo que foi detido por quebrantamiento de condena.