Continúa a procura do ancián desaparecido en Monfero
Efectivos de Garda Civil e de Protección Civil continúan este martes cos labores de busca do ancián desaparecido dende o pasado venres no municipio coruñés de Monfero.
Segundo a información do 112, un amplo operativo de busca formado por efectivos de emerxencias, familiares e veciños a buscar o home dende que se perdeu a súa pista, aínda que polo momento non se localizou ningún dato sobre o seu paradoiro.
No operativo participan, ademais da Garda Civil e Protección Civil, membros do GES, cans de salvamento e rescate de Ferrol e a unidade operativa de drones da Axencia Galega de Emerxencias.
O home, que sofre varias doenzas, reside no lugar da Illa, na parroquia de San Fiz, e desapareceu tras saír a dar un paseo o venres.