Chega aos xulgados o detido polo crime no bar do barrio de Caranza
Chega ás 9,53 horas aos xulgados de Ferrol o mozo de 31 anos detido polo crime da camareira do Bonky, Marta S.V., de 43 anos, na madrugada do luns.
O arrestado, veciño de Narón e que tamén rexentaba un establecemento hostaleiro no mesmo barrio de Caranza, era cliente habitual do bar no que traballaba a vítima.
Segundo fontes coñecedoras da investigación confirmaron, en sede policial, o arrestado recoñeceu estar no bar na noite na que aconteceron os feitos e admitiu coller un coitelo, pero asegurou que non se acordaba de nada ata verse fóra “ensanguentado”.