Unha persoa resulta afectada por inhalación de gas en Vigo

Os servizos sanitarios atenderon na noite deste luns a unha persoa que resultou afectada por intoxicación de gas debido á mala combustión dun quentador nun domicilio en Vigo.

Segundo informou a Central de Atención a Emerxencias 112-Galicia, o suceso aconteceu sobre as 23,40 horas deste luns nunha vivenda da Rúa do Carmen, en Vigo. O alertante informou de que unha persoa se atopaba inconsciente debido á inhalación de gas.

Ata o lugar do suceso desprazáronse efectivos do 061, que trasladaron ao afectado a un centro sanitario. Así mesmo, os Bombeiros de Vigo realizaron as medicións e confirmaron que o gas se orixinara na mala combustión dunha caldeira de butano. A Policía Nacional e Protección Civil tamén foron alertados.