Unha avaría obriga a parar a produción da quenda de noite en PSA Vigo

Unha avaría nunha prensa de embutición obrigou a parar a produción de noite na planta viguesa de PSA Peugeot Citroën, o que afectou á liña de montaxe M1, encargada de ensamblar as furgonetas. Segundo confirmaron fontes sindicais e da empresa, a avaría se rexistrou na tarde do martes e a imposibilidade de reparala con garantías fixo que a empresa avisase os operarios da quenda de noite para que non acudisen á factoría.

Fontes sindicais apuntaron que se retomou a actividade, aínda que é posible que haxa novas paradas que afecten á quenda de tarde da liña M2 (monovolumes).