Un desprendemento de terra afecta á circulación da autoestrada AP-9 no enlace de Guísamo

Un desprendemento de terras a causa das intensas chuvias que afectan á zona está a dificultar a circulación na autoestrada AP-9 no enlace de Guísamo (A Coruña). Segundo informou a empresa concesionaria, Audasa, o desprendemento afecta aos desprazamentos de Guísamo cara a A Coruña e de Ferrol a Guísamo.

Na zona xa se atopan traballando efectivos para resolver a incidencia, uns labores que está previsto que se prolonguen ao longo de toda a mañá e que a vía estea despexada ao mediodía.