Trasladada unha persoa en Vigo por inhalación de fume

Os servizos sanitarios de urxencia trasladaron na madrugada deste venres a unha persoa que resultou afectada por inhalación de fume tras rexistrarse un pequeno incendio na súa vivenda, en Vigo.

Segundo informou a Central de Atención a Emerxencias 112-Galicia, o suceso aconteceu sobre as 6.30 horas da madrugada deste venres nun piso da rúa Pizarro. Foi o inquilino o que realizou a chamada de alerta indicando que se producira un pequeno incendio na súa vivenda e que o piso estaba cheo de fume.

Ata o lugar desprazáronse efectivos da Policía Local e dos Bombeiros de Vigo, que determinaron que o lume se orixinara nunha alargadeira de corrente e, aínda que non chegou a estenderse polo piso, producira moito fume.

Por este motivo, os servizos de emerxencias trasladaron ao ocupante da vivenda ao Hospital Nosa Señora de Fátima, de Vigo, con síntomas de intoxicación.