Sestayo considera lóxico adecuar os tempos do PSdeG aos estatais

O tenente de alcalde de Ferrol, Beatriz Sestayo, considerou “lóxico en certo modo” que o PSdeG teña que adecuar os seus “tempos” á “nova situación estatal”, tras o aprazamento das primarias que anunciou este domingo o secretario xeral dos socialistas galegos, José Ramón Gómez Besteiro.

A este respecto, apuntou, en declaracións aos xornalistas este luns en Santiago, que no comité nacional “houbo bastante acordo” e que “non hai ningún problema” por esta decisión.

En canto ás súas preferencias para a candidatura do PSOE galego á Presidencia da Xunta, insistiu en que o seu candidato “será que aprobe a militancia en primarias”.

A este respecto, cuestionada por se cre que Besteiro deba presentarse, debido ás súas imputacións, respondeu que non vai dicir a ninguén quen se vai presentar ou quen non”.

“Creo que calquera militante, esa é a esencia das primarias, pode presentarse ás eleccións no Partido Socialista”, apostilou.

PODEMOS, “BASTANTE IRRESPONSABLE”

A maiores, inscribiu o aprazamento das primarias nun momento en que “se”cría que podía haber investidura por parte de Pedro Sánchez, e polo tanto xa estaba rematado o proceso estatal”.

Pero “lamentablemente”, censurou, “a falta de apoio de Podemos atrasa a investidura neste país, e déixao sen goberno”, nunha medida que viu como “bastante irresponsable para España e para Galicia”.