Rescatan aos catro tripulantes de dúas embarcacións que se afundiron no río Miño

Efectivos de emerxencias rescataron en bo estado aos catro tripulantes de dúas embarcacións que se afundiron no río Miño ao seu paso polo concello pontevedrés de As Neves.

Segundo informou a Central de Atención a Emerxencias 112-Galicia, o forte caudal do río Miño arrastrou e levou a pique a unha embarcación e ao seu remolcador pasadas as 19.00 horas deste xoves.

As tripulacións de ambas as dúas embarcacións -dous españois e dous portugueses- caeron entón á auga, aínda que conseguiron chegar á beira do río en bo estado.

 Ata o lugar desprazáronse efectivos dos Bombeiros de Baixo Miño e da Comandancia Naval. Este venres continúan os labores para tratar de recuperar os restos das embarcacións afundidas.