Máis de 60 operarios da Deputación de Lugo acondicionan estradas pola acumulación de neve

Máis de 60 operarios e 20 máquinas da Deputación de Lugo traballarán durante toda a xornada deste xoves para acondicionar as estradas de montaña da provincia, que se atopan afectadas pola acumulación de neve, aínda que ningunha delas está cortada. Segundo informou a institución, no operativo participan máquinas quitaneves, todoterrenos, diversos vehículos de apoio con material mecánico e varios tractores e pas con cinga, que están a acondicionar a rede viaria, así como máis de 60 operarios.

En concreto, os efectivos traballan en estradas de Baleira, Becerreá, As Nogais, O Courel, Cervantes, A Fonsagrada, O Incio, Navia de Suarna, Negueira de Muñiz, As Nogais, Pedrafita, Quiroga, Ribas de Sil, Ribeira de Piquín, Samos, Triacastela e O Valadouro.