Ferido un tripulante dunha embarcación nun simulacro en Ferrol

Unha persoa resultou ferida este xoves nunha embarcación tras sufrir unha caída durante un simulacro que se estaba a realizar no Porto Exterior de Ferrol. Segundo informou a Central de Atención a Emerxencias 112-Galicia, o suceso aconteceu sobre as 11.00 horas deste xoves cando o ferido, por razóns que aínda se descoñecen, caeu dende a embarcación na que se atopaba ata outra auxiliar. Ata o lugar desprazáronse as forzas da orde e un equipo sanitario de Urxencias Médicas 061, que trasladou ao tripulante ferido ata un centro sanitario.